原來係富二代！Tyson Yoshi家住4千萬海景豪宅

獨立歌手Tyson Yoshi（程浚彥）早前夥拍人氣男團MIRROR成員姜濤、柳應廷（Jer）及唱作歌手林家謙開音樂會，因爆肌演出而人氣急升，近日佢更被起底家住叫價4千萬起跳嘅千呎海景豪宅，原來係低調嘅有錢仔！其社交網不時上載於深灣豪宅嘅自拍照，見客廳位置相當闊落，即使四周物品隨意擺放，都仍有大量空間走動，大電視旁設有櫃枱位置，展示多個潮牌公仔。另有落地大玻璃窗通往露台，坐擁深灣及遊艇會海景，相當奢華。

其實Tyson Yoshi於英國留學多年，修讀室內建築設計，2018年又自組公司成為獨立歌手，加上佢家住豪宅，即被網民推測佢係「富二代」，不過對此佢就否認有錢，笑指要出活動賺錢拍MV。