莫文蔚做《哥哥》壓軸嘉賓　Deep V上陣同言承旭夢幻同台

內地真人騷《披荊斬棘的哥哥》大受歡迎，今晚（29日）決賽喺海口觀瀾湖舉行，節目組宣布嘅嘉賓陣容，當中除咗繼續有「阿嫂團」張智霖（Chilam）老婆袁詠儀（靚靚），以及張晉老婆蔡少芬外，亦有內地女星寧靜加盟，而最大亮點就係有歌手莫文蔚驚喜現身，強大陣容令網民直呼期待。

節目組率先公開照片，見莫文蔚着上金色Deep V晚裝長裙，金光閃閃相當華麗。而網上亦傳出總決賽的表演名單，有指莫文蔚會與台灣型男言承旭合唱，其實2人曾於2001年合演青春偶像劇《烈愛傷痕》，今次相隔20年再度合體獲網民大讚「夢幻同台」。另有網民上載後台片段，稱2人演出後前往慶功宴，見言承旭直接着住隊服，衫都唔換就離開，獲網友笑指：「看來他餓了」。