細細個就睇你︱吳若希當年拎到新人奬　丁子朗先得13歲

歌手吳若希（Jinny）在社交網限時動態上載當年喺電台拎到的「最有前途新人奬」優異獎，她寫道：「因為搬家的關係，見到佢，當年得7度，着住條黑色Tube Dress喺大埔科學園，仲問當時企喺我左邊嘅DJ Eric，可唔可以幫我揸住個獎，因為我凍到係咁震，咁就10年」。

但最爆笑Jinny之後再出Post，是她與無綫上位小生丁子朗的對話，丁子朗展示Jinny攞獎的截圖，問佢：「係咪黑色Tube Dress＋螢光Leggings？」竟然中晒，連Jinny都話佢勁，丁子朗再話：「我竟然記得！腦裏面有畫面，都話咗細細個就睇你㗎啦。」原來當年Jinny攞獎時，丁子朗得13歲，都幾爆笑，Jinny仲認定對方做「女婿」，她搞笑寫道：「10年不算多，但足以令丁子朗籨13歲嘅小朋友，變成獨當一面的大Show司儀，And My Best女婿！」