楊埕唔愛夜蒲　最怕酒後失儀

藝人楊埕昨晚（29日）現身夜店開幕禮，她稱自己甚少夜蒲，今次為捧朋友場才破例，又指平時少飲酒，因擔心醉酒後失儀：「我試過飲醉酒，但都係喺朋友屋企，唔會喺街，我飲醉多數係瞓覺同嘔，好多時感覺到有醉意，我就會自己閃走咗，我係個好安全嘅人，有啲女仔飲醉咗喺街上大吵大鬧又要人扶，我覺得好核突，我唔會畀呢啲事發生喺自己身上。」

她自言現時未有男友充當護花使者，故要努力學習自己照顧自己：「我要喺生意上落力啲，依家係女仔喺事業上嘅黃金時期，到40歲就冇咁好精力，所以先喺工作上搏殺。」她透露自己有資投巿場推廣公司及上門廚師服務，生意不俗：「飲食生意好好，香港人好鍾意食，愈難訂嘅餐廳愈鍾意。（再做其他生意？）做好呢啲生意先，依家都做得幾辛苦。至於幕前工作，如果有機會都想做。」