知道晒舊愛行蹤！方力申大方講鄧麗欣

藝人方力申（小方）今午（30日）到尖沙咀，為學生活動擔任演講嘉賓，台上談到重新練習游水的體驗，又被問到有關鄧麗欣的問題，小方大方說：「佢喺香港，遲啲好似要去拍戲。（仲係好朋友？ ）梗係。」

近日他主持的節目《鬼上你架車2》，嘉賓是組合農夫，小方笑謂：「拍嘅時候C君仲未做高層，而我哋一早已經決定用佢哋打頭炮。以前啲人話唔好得罪女人，因為佢分分鐘會嫁畀你老闆，估唔到依家男人都會咁㗎，好彩我冇得罪佢！」10集節目目前只餘兩集拍攝尚未完成，他透露：「今次除咗講鬼故之外，嘉賓仲要演「恐怖劇場」，會同我做對手戲。啲嘉賓大部分都係我自己邀請嘅，好似劉心悠咁，佢要負責辦公室靈異事件，你知之前我有4、5年冇見過佢，啲人形容佢係小龍女，即係好少出嚟，不問世事，淨係留喺屋企養雀，真係好多謝佢。」

今年正正是小方入行20周年，問到他可有慶祝活動，他答：「本來有音樂會嘅，但延遲後甩咗團火，依家諗住25周年先搞啦。」