最強Cosplay！談善言神還原《魷魚》姜曉

韓國大熱劇集《魷魚遊戲》（Squid Game）熱爆全球，更成為今年萬聖節最熱門嘅主題之一。其實要數最能夠還原劇中角色嘅，圈中早有人選，除咗被指撞樣李政宰嘅藝人譚俊彥外，女星談善言亦被指似足女主角「姜曉」鄭浩妍，仲力推佢拍港版《魷魚遊戲》，而呢日佢趁住萬聖節就「神還原」姜曉一角，似到十足十完全零違和！

談善言於社交網上載多張變裝相，見佢着上寫有「067」嘅綠色運動服，再化上最代表性嘅雀斑妝，加埋厭世神情及傷口特技妝容，再配合埋身後着住紅色衫嘅工作人員，簡直將劇中畫面搬到現實！網友對終於「許願」成功令談善言化身姜曉大感興奮，就連多位圈中好友包括陳家樂、張繼聰及江嘉敏等都大讚「似到癲」。