新敏娥離開《海岸村》勁少女　金泰希讚靚過自己

韓國熱播劇《海岸村恰恰恰》Hit爆，女主角新敏娥冇追隨韓國整容潮流，純天然靚樣深得觀眾歡心。離開《海岸村》鏡頭、私底下嘅新敏娥，明顯減齡幾歲，就算素顏肌膚依然同剝穀雞蛋一樣。近日佢剪咗新髮型，空氣劉海配以素顏、眼鏡look，頓時令佢變成少女一樣勁青春，唔少網友大讚佢凍齡有術，話佢係大學生都有人信！「男友視角」角度更令網民揣測係咪男友金宇彬揸機，低調放閃網民好受落。

連公認係天然美女嘅女星金泰希，多年前上節目時，談到比自己靚嘅女藝人，佢當時毫不猶豫大讚新敏娥美貌靚過自己，認真有眼光！