撞晒色！黃翠如瞓池面影相　自爆有個設計師夢

藝人黃翠如早前疑受情緒困擾，更在社交網留言「再見」二字，搞到大家都好擔心，不過佢早前北上到上海同老公蕭正楠團聚，有愛情做特效藥，心情好番唔少。早前佢哋到雲南入住度假酒店，黃翠如影低唔少靚相，而40歲生日當天已經曝光咗一輯，昨晚（31日）佢再上載另一輯，佢坐喺透明小艇上，喺泳池划艇，另一張則是瞓喺船上，睇落相當寫意，而佢身打扮同池底撞晒色，一樣咁Blue，佢留言話：「我馬來西亞的姊姊，寄來造給我的衣服，穿上了保護色，沐浴在秋天的陽光。話說，我小時候夢想也是設計師⋯⋯夢。」佢又上載老公背影相放閃，羨煞旁人。