天王嫂方程式大公開！方媛保養全靠呢四招…

天王郭富城老婆方媛保養得宜，即使生咗兩個小朋友都依然零走樣，更毫不介意素顏示人，呢日佢就拍片大方分享卸妝及護膚心得，公開「天王嫂扮靚方程式」！片中見佢先用卸妝綿濕敷眼部，等短短10秒鐘就輕易將眼睫毛及閃亮眼妝卸走，避免大力拉扯傷及睫毛。然後佢再用卸妝乳落妝，指會揀選水乳性產品，令皮膚冇咁易出痘痘。

之後，佢又分享四招護膚貼士，第一，用暖水洗臉以防毛孔收縮藏污納垢，第二，搽保養品時謹記拍打及按摩皮膚達到更快吸收嘅效果，第三，配合提拉動作令皮膚更緊緻，而最後一招，就係要有充足睡眠，佢表示：「保養的秘訣來自於睡眠，最近每一天都睡8到9個小時，我覺得睡眠非常足夠的情況下，皮膚才會變得更好。」