黃妍極速造歌　趕住秋天出

創作歌手黃妍（Cath）今日（2日）現身電台宣傳新歌《兩個月亮》，她表示今次是她人生中用最短時間完成的作品：「由零開始到作曲填詞錄埋音2、3個個禮拜內完成。（點解咁急做？）因為首歌叫《兩個月亮》，我覺得月亮就代表秋天，但我哋miss咗中秋，所以點都要喺秋天前做好。」她指雖然製作上有點趕時間，但絕不馬虎：「做Melody都改咗幾次，自己又事先喺屋企錄好晒和音，咁可以方便監製快啲做混音，但佢都話唔好啦，去studio錄多次啦。」

今次作品乃Cath今年第4首派台主打，問到是否為趕年尾頒獎禮，她笑稱：「我唔可以畀自己停㗎，一停就會覺得好悶，所以一直都不停寫歌，其實大家喜歡先係最重要，大家期待我嘅作品係我創作嘅動力。」