鍾舒漫出街使男友錢　鍾舒祺：老公啲錢畀晒我！

歌手鍾舒漫（Sherman）及妹妹鍾舒祺（Sukie）出席活動，兩人表示很久沒一起出席商場活動，問到疫情下收入可有減少？Sherman說：「上年有啲時間困難嘅，但後期就多番啲。」Sukie就笑言任何時候最緊要儲錢：「我儲自己，又有老公嗰啲，因為每個月佢都會自動畀晒我，我就幫佢儲錢，然後畀番20蚊、40蚊佢每日返工用就得，佢OK嘅。（你本身大唔大使？）我食嘢好大使，但少啲買嘢。」

Sherman表示自己會在搭車、家庭及煮嘢食使得較多，衫褲鞋襪就較少買，問到與導演男友Steve拍拖可會大使費？她說：「唔會，我哋比較節儉，但又唔會死慳爛慳，不過好多使費、去街嗰啲都係佢畀。」工作方面，Sherman表示繼續籌備新歌：「想整到好為止，加埋之前處理其他嘢，所以押後咗，依家全速前進，都有搞緊其他Project。（會預埋妹妹？）下年我可能都會有個大型嘅跳舞Project，都會叫阿妹嚟參加。」