周迅發脾氣趕收工去酒店見男友？網民：人之常情！

內地女星周迅與高聖遠離婚後，最近被爆同細佢13歲嘅內地樂隊結他手卓越發展姊弟戀，47歲嘅佢遇到第二春當然好珍惜，開完工趕住去見男友亦都好正常。有傳周迅日前着低胸裝配西裝開工影造型照，拍攝初期，戀愛中嘅女人心情靚靚，渾身散發仙氣，不過由於拍攝時間愈來愈長，唔知佢係影到攰，定係趕時間，佢開始得有啲唔耐煩，見佢突然變臉，眉頭緊皺，又指手劃腳，不過經安撫後，佢都肯繼續拍攝，但拍拍吓又停咗，期間好似同工作人員有啲拗撬，最後佢口噏噏一大輪嘢，就頭也不回走人，離開攝影棚後，就跳上車返酒店，個樣好似好急咁！

而呢段疑似「周迅發脾氣」視頻當然令網民熱議，有人指呢段片，係佢被爆新戀情前影嘅，不過有啲網民就估嗰陣佢已經同卓越開始咗，所以佢趕住拍拖亦係人之常情，始終女人要事業之餘，亦都好需要愛情，尤其係佢呢種鍾意男友用自己個衫袋，幫佢對手取暖嘅女人！