跟過霆鋒下廚︱《男神廚房》陳曉樺起底　睇得又煮得

無綫新節目《男神廚房》最近成為網民熱話，睇住男神下廚，展現可愛又蝦碌一面，固然賞心悅目，不過一眾美女評判都一樣有睇頭，其中一位擔任專業評判的廚師陳曉樺（Hilda）憑住煮得又睇得，突圍而出，佢背景都唔嘢小，曾經跟過多位米芝蓮大廚學習，到過法國皇宮實習為法國總統下廚，做專業評判夠晒資格！

翻查佢社交網，雖然未知真實年齡，但Hilda無論外貌同身材都保養得宜，真係入得廚房出得廳堂，係男人夢寐以求嘅理想另一半，佢不時做運動保持身形，經常以甜美笑容迎人，絕對係「美女廚神」。

未做《美男廚房》之前，Hilda本身係Chef Nic（謝霆鋒）「鋒廚」班底，佢曾經透露經朋友介紹認識對方，對佢非常尊重同敬佩，佢話過：「霆鋒冇受過專業訓練，但對煮食知識非常豐富，做事都一絲不苟，準備工夫做到足，做得唔好會重新再做。」