滕麗名蘇韻姿笑住爆料　單立文已經拎得樂悠咭？

藝人單立文憑《愛．回家之開心速遞》成功入屋，成日整古做怪感覺Young爆，私下佢就愛潮物打扮有型，同時又有Music Sense係資深音樂人，成個Package都係弗爆！近日港府為60歲以上長者提供「樂悠咭」個人八達通卡，可享2蚊搭車優惠，估唔到平時點睇都唔似「登六」嘅單立文已經拎咗樂悠咭，仲要畀滕麗名同蘇韻姿揸喺手笑住合照，原來係佢拎咗卡之後請二人食飯，意外爆出單立文原來已經係62歲「長者」，唔怪得網友都大嗌驚訝，留言笑佢係「阿叔樂悠悠」，仲話驚佢拍卡時會畀職員嗌落車呀！