【#娛樂Hashtag】陳煒愛情滿足　爆男友歎盡福利

藝人陳煒繼續為繽FUN星網節目《#娛樂Hashtag》擔任嘉賓，接受主播俞詠文訪問。她笑言都會上網搵自己個名，發現最多人想知的是其三圍，但她就笑言日日不同，只透露腰圍最幼是23吋半。講到外界一直將她與性感扯上關係，她就認為性感與自己沒有關係，最性感都只是台慶時，因為要穿晚裝，為求美觀加上設計師意見，所以才會少布。

至於提到現與醫生男友陳國強熱戀，講到入得廚房出得廳堂的陳煒屬賢妻良母，男友還不快快娶她？她即笑言：「所有我嘅優點同福利佢已經享用緊，唔係我控制。」她亦坦言現時的感情生活感到滿足，亦滿意自己作為女朋友的表現：「以前細個未懂事，會覺得自己好好，所有嘢都天下無敵，但人愈大愈會發覺自己嘅缺點，好多人比自己優勝。」想了解更多她的感情世界？又想知道曾有一段婚姻的她，對婚姻可仍有憧憬？仲唔快快去片！