第3度合作　蔡思韵劉俊謙拍《二月廿九》前傳

藝人蔡思韵、劉俊謙、吳海昕及余子明等，中午云集文錦渡出席ViuTV新劇《940920》開鏡拜神，但其實劇集已完成大部份拍攝工作，即將煞科。主角兼拖友劉俊謙與蔡思韵第3度合作，感情穩定的他們笑言今次未有因合作發生磨擦，阿謙更表示：「我哋性格比較Soft，乜都鍾意傾，唔鍾意嘈。（拍拖以來搞得最唔開心嗰次呢？）冇，最開心就記得，咪係拍呢套劇囉！」

二人又表示不介意情侶檔繼續合作，但主要視乎角色及劇本而決定。而思韵算是正式「處女下海」拍攝劇集，阿謙從旁協助女友適應新環境，他坦言：「拍劇忙起上嚟真係15個鐘，甚至18、9個鐘冇得休息，工時比較長，不過大家一齊做嘢會開心啲。（日對夜對唔驚悶咩？）唔會呀，開工大家係演員身份嘛。」由於劇情需保密，暫時只能透露是《二月廿九》的前傳，亦即阿謙扮演的角色「回到過去」，遇上思韵，展開一段奇幻冒險之旅。