許紹雄香港複式豪宅曝光！酒店級泳池最吸睛

移居新加坡嘅綠葉王許紹雄（Benz雄），不但於當地擁有價值超過2千萬嘅4,000呎豪宅，更打本百萬畀獨女許惠菁（Charmaine）開Coffee shop做生意，其實Benz雄喺香港嘅物業都唔惹少，近日佢回港見證女兒獲求婚成功，亦意外令香港嘅複式豪宅曝光！

見屋外有超大型嘅私家泳池，同時容納逾20人都綽綽有餘，配埋園景，十足酒店打卡泳池一樣。屋內環境都相當闊落，有超巨型飯廳，兼旁邊設有酒櫃專區，同時仲有勁開揚嘅開放式廚房連用餐區，一大班朋友開派對都完全冇問題，屋內更有長型樓梯連貫兩層，相當奢華。