齊齊落樓再上專車　李佳芯酒店密會「蟲草大王」兩粒鐘

視后李佳芯（Ali）自年初同同ViuTV主持男友陳炳銓分手後，就不時盛傳被富商追求，最近佢就發現同有「蟲草大王」美譽的陳恩德（Mark）酒店密會兩小時！日前二人一同現身九龍一間五星級酒店，齊齊落樓走人，亦未見二人有所避忌，一同步出酒店後更同上男方名下七人車離開。據知，近日李佳芯一圓導演夢，為微電影首過導演癮，有指陳恩德為此微電影投資一百萬。

陳恩德早年為名下健康產品品牌創造「藥箱都變成首飾箱」金句，有指佢兩年前將保健品王國賣掉，套現數以億元。之後再涉足多元化業務，近期就大搞「寵物藥妝」。

李佳芯就此傳聞回覆東網，指自己與對方只有生意往來：「跟這個人一直只有生意上嘅合作來往，就係咁簡單，希望事件不會再發酵，謝謝。」