【J星族】渣男暖男一線之差！湯告魯斯、孔劉開邊瓣？

俗語話「男人唔壞，女人唔愛」，但試問有幾多個女人會想遇到渣男。雖然渣男無處不在，不過喺星座世界入面有種講法，話巨蟹座（6月22日至7月22日）係「渣男典範」，但無論係7月10日出世嘅香港歌神張學友同韓國男神孔劉，抑或係《Running Man》前成員李光洙（7月14日），甚至係荷里活巨星湯告魯斯（Tom Cruise），呢班「星級巨蟹」公認係一等一暖男。嘩，咁大出入嘅，到底巨蟹係「渣男典範」定係「世紀暖男」先？

[P4]

其中7月3日出世嘅荷里活巨星湯告魯斯，當年同妮歌潔曼（Nicole Kidman）嘅浪漫童話式愛情，雖然最終離婚收場，但妮歌潔曼喺分開之後，亦曾經公開讚靚佬湯係好老公一名。著名導演史提芬史匹堡（Steven Spielberg）就話，湯告魯斯喺拍戲期間，就算準備拍攝嘅場口幾重要、幾危險都好，只要仔女打電話嚟，湯告魯斯都會即刻嗌停去聽電話，可以話有齊所有暖男特質。

[P2]

想知道巨蟹係「渣男典範」定係「世紀暖男」？大家唔使煩喇，今集《J星族》就同大家解構巨蟹男，塔羅神Jessica話巨蟹座原來分為三個層次，仲教識大家點樣分辨巨蟹真/假暖男，仲等咩呀？即刻睇片學嘢！

[P3]