靠老竇又點啫!關楓馨入行無懼雙重魔咒

2021年11月09日 22:02
東網電視
更多新聞短片
被譽為最索「星二代」之一的關楓馨關楓馨背負着關禮傑女兒之名參選香港小姐,雖然失落獎項,但沒有遺憾,覺得這趟旅程讓自己成長:「經歷選美先有一個新嘅自己,又一次成長。」最大變化莫過於身形,選美期間減去15磅,她笑說:「依家係人生最弗嘅時間,要好好保持。」
「因父之名」為人認識,她並不覺得是壞事:「好開心佢係我Daddy,希望有日人哋認得我係因為關楓馨,甚至見到關禮傑會話,你咪關楓馨個Daddy。」將來有機會拍劇,她也希望與Daddy合作,解鎖父女合作的情意結:「佢都有畀貼士我,話呢行係要捱嘅,好似冇得瞓,睇劇本亦都似讀書咁,經過港姐每日瞓3、4個鐘嘅訓練,自己都捱得。」
「7年之癢」冇婚期
關楓馨另外一個重要男人是外籍男友Kris,轉眼已拍拖7年,對這段情信心十足,無懼「7年之癢」與「入行甩拖」雙重「魔咒」,她笑說:「佢喺英國做嘢,入行對佢冇乜影響,分開兩地亦唔擔心,因為大學一年班已經拍拖,大家好有信心,係諗住長線發展。」疫情下與男友分隔兩地,每日靠視像聯繫,她說:「以前讀書,大家都習慣咗放暑假會分開,但係今次係分開得最長時間,但係大家都好悶,佢亦好佛系,所以OK嘅。」她坦言未有結婚計劃:「我哋好實際,唔會講到天花龍鳳。」
Profile
年齡:26
學歷:碩士畢業
身高:1米61.5
三圍:33、23、34.5
嗜好:素食烹飪、烘焙、戶外運動