湯怡懶理被睇死離婚　麥秋成自爆追多個仔

英皇藝人湯怡與排舞師麥秋成秘密拍拖半年，今年2月奉女成婚，一家三口本應幸福快樂，點知卻惹來酸民抨擊，玩「快問快答」時被睇衰同老公好快離婚，當時湯怡一句霸氣K.O酸民：「我哋兩公婆嘅婚姻唔需要任何人認同。」

向來正能量爆燈嘅湯怡，未有受酸民影響，獨自出外跑街做運動，並發放正能量：「美好的，不是風景，而是心境。」唔少粉絲留言支持偶像，叫佢繼續做自己。今次到麥秋成玩「快問快答」，佢晒出多張老婆及囡囡溫馨照，並附上網民嘅支持留言：「不用理別人怎樣看淡，覺得你太太很美，因為你愛她和QQ。」、「千萬不要因為網友的評論和報導而不開心，會繼續支持你同湯怡姊姊，好掛住麥QQ。」有網友問到會唔會追多個囝囝，麥秋成坦言會，唔知幾時會有好消息公布呢？