莊思明沉澱4日終於「上水」　正面留言獲讚好女友

藝人楊明自去年發生不小心駕駛案後，女友莊思明一直陪伴在側，楊明喺上周五（5日）被判監18日及停牌2年，辯方律師申請保釋等候上訴獲批，莊思明喺庭上已哭成淚人，更直頭喺社交網消失，去到尋日（9日）佢終於都「上水」，上載兩張單人相，並留言自勉，鼓勵大家要正面面對人生高低：「人的一生難免浮浮沉沉，順境逆境都是一時，也都是常態。凡事往好處想，你的心態決定你的命運！浮在上面不必驕傲，沉在下底不用悲觀！人生總在歷練中成長。」大批網友即留言派心，唔少人都撐佢要加油，又大讚佢係好女友。