林峯新劇攞頭威好帶挈 張馨月孖梁競徽開車行

20211110
東網電視
更多新聞短片
藝人林峯最近憑內地劇《星辰大海》人氣急升,大家都研究佢嘅「咆哮式」演技,大讚佢做戲高咗幾個層次,估唔到佢呢個氣場帶旺埋老婆張馨月,最近佢就同林峯好友、轉戰內地市場嘅梁競徽合份開車行,齊齊做老闆。見張馨月以一身黑色連身短裙現身,淨係個手袋仔都已經值約3萬蚊,扮到靚靚去迎接新店開張。
之後佢將合照放上網,一班林峯喺無綫識落嘅好友都有現身,好似郭政鴻、李璨琛、關楚耀等,直頭好似去咗Reunion咁,而忙於拍攝《法證先鋒5》嘅黃宗澤、王浩信同吳卓羲等都有送上花籃表示祝賀。不過網友就發現唔見林峯蹤影,估佢可能係新劇太多宣傳要做,趕唔切出席開張,唔知佢識唔識做,之後再送禮賀老婆生意興隆呢?