鐵馬家族5缺2！唐詩詠愛屋及烏為「三嫂」慶生

藝人唐詩詠與黃嘉樂、林子善等因合作劇集《鐵馬尋橋》而成為好友，多年來如親兄弟姊妹一樣，感情要好，而且愛屋及烏連「三哥」黃嘉樂拍拖多年嘅圈外女友生日，「鐵馬家族」齊齊為壽星女慶祝，相當有愛。

唐詩詠上載當晚合照，留言祝賀「三嫂」：「生日快樂，幸福滿瀉。We ❤️ you 三嫂！#小乖乖真係好乖#鐵馬兄弟#友誼永固」黃嘉樂亦有上載當日照片，答謝大家厚愛之餘，仲話終於探到林子善囡囡「小乖乖」，更獲對方獻吻，冧到呢！唔少網友問另外兩位成員馬國明同鄭嘉穎去咗邊，好期待「鐵馬家族」再齊人合體，唔知要等到幾呢？