女神地位坐唔穩　迪麗熱巴新劇被6大小花狙擊！

被封「新疆四美」之一嘅內地女星迪麗熱巴，今年劇接劇出街，做到完全冇停手，好似佢同內地男神楊洋套大熱劇《你是我的榮耀》一播完，就到佢同古裝男神任嘉倫主演嘅《與君初相識》見人，尋日（13日）佢同小鮮肉龔俊、劉宇寧主演嘅《安樂傳》仲已經煞科，本身主角先係焦點所在，點知同劇另外6位上位小花一樣搶Fo，引得網友未睇劇先Follow！

迪麗熱巴喺社交網晒出煞科大合照，好自然佢就企正中間，其他演員就一字排開舉V，估唔知就係一張合照，就引發網友「關注潮」，因為同場另外6位小花夏楠、李淑婷、白冰可、王奕婷、龍水婷同尚新月位位Pure，又Young又有活力，青春可人卜卜脆，搞到網友大嗌驚為天人，逐個演員嘅社交網都要Follow，仲話迪麗熱巴雖然靚樣冠絕全場，不過偶然都想睇睇其他新女，Refresh吓對眼睛，唔知到時女神之位會唔會易位呢？