正印女友驚喜客串！丘梓謙即飛劉佩玥

無綫藝人丘梓謙近日憑台慶劇《換命真相》飾演小鮮肉「劉星」一角人氣急升，戲中成功俘虜「姐姐」劉佩玥嘅佢，戲外亦係一名廿四孝男友，日前播出一集其正印女友麥皓兒驚喜客串，飾演靚女顧客，雖然戲中2人同場但未有對手戲，不過丘梓謙一見到女友，就即時將劉佩玥拋諸腦後，仲喺社交網大晒合照，並賣口乖表示：「劉星又見到位靚姐姐，唔知呢位姐姐有冇興趣入股做小小時光老闆娘之一呢？唔好畀楊紫山（劉佩玥角色）知呀！」而麥皓兒亦笑指：「呢位咖啡師星仔又幾靚仔，沖咖啡又好飲，真係可以考慮入股小小時光。」