《聲夢傳奇2》參賽者現身　每位超過200萬培訓費！

星夢CEO何麗全今日（14日）親自「領軍」，帶領「師姐」炎明熹等，以及第二季聲夢10位進入50強的參賽者，現身將軍澳中心出席《聲夢傳奇2》初選活動。

對於10位參賽者初試啼聲的表現，何麗全大讚自然：「佢哋係喺成千人入面揀選出嚟，今日起碼冇怯場，帶佢哋嚟見吓世面，向師兄師姐偷吓師先。」他透露最終將會揀選15-20位入圍，作出約4個月的培訓，預計正式比賽要待明年才展開。

談到首季每位參賽者約有200萬培訓費，何麗全表示：「差唔多啦，今次相信唔只，有25位導師指導佢哋喎，至於勝出獎金方面相信會加碼，依家已經有贊助商主動聯絡我哋，有啲甚至希望冠名贊助。」