陳漢娜唔鍾意男仔天然呆　自爆擇偶條件係…

藝人陳漢娜（Hanna）今晚（14日）出席電影首映，Hanna表示在戲中飾演一個純樸的藝術家，導演以女神去形容，她說：「我冇理係咪女神，個角色有少少離地。（似你？）唔係完全似。」戲中她獲天然呆的岑珈其力追，但她直言現實中不喜歡這種男生：「會悶囉！如果兩個人都咁悶就會好悶。珈其本身唔悶，好好笑。（你鍾意幽默型？）我唔鍾意刻意，要自然令我開心。」

講到其前經理人戴穎成為《全民造星IV》女團經理人，她稱每晚都有追看該節目捧對方場，並大讚對方：「佢好開心，佢作為女團經理人好勝任，因為佢係好有愛同好細心嘅女仔，以前一齊工作，覺得同佢似朋友多過係工作關係，依家都有保持聯絡，但近期少咗，因為佢好忙，我冇叫佢劇透個賽果，因為我作為觀眾睇得投入啲。」