前女子組合As One成員、2018年落選港姐陳苑澄（Tania）去年被踢爆撻着老字號酒行太子爺，早前晒出巨鑽宣布求婚成功，今日（14日）兩人舉行婚禮，就算受疫情影響，陳苑澄都跟足傳統出嫁，佢社交網上載多張上頭、食湯圓、接新娘等照片，而星級姊妹團有蘇皓兒、陳葦璇等，姊妹團更一反傳統唔着裙，以粉紅西裝襯白西褲作為姊妹服，而Tania就穿上中式裙褂，於酒店進行出門儀式，及後返回太古城愛巢，而今晚將會在五星級酒店擺酒，屆時佢好姊妹劉佩玥及其他藝人好友都會出席。