再執導演筒︱吳鎮宇翻拍《想見你》勁跳Tone　網友睇唔明

內地真人騷節目《導演請指教》，有幾位香港藝人參與包括薛凱琪、楊千嬅、惠英紅等，而今集則有演而優則導的吳鎮宇，憑《爆裂刑警》拎過金馬影帝嘅佢，演技受到專業肯定，今次佢以導演身份參加挑戰翻拍早前爆紅台劇《想見你》，將故事濃縮及有所改動，而跟他合作的演員有薛凱琪、王彥鑫及郭子凡，三人分別飾演陳韻如、李子維及莫俊傑，片中王彥鑫穿越回到過去，最終亦難逃車禍命運，另一場景是薛凱琪拒絕了王彥鑫的示愛，觀眾睇到一頭霧水，皆因吳鎮宇要用10分鐘短片去講述整個複雜故事，明顯做唔到效果。

不過評審仍然極力讚吳鎮宇，但係好多網友都話睇唔明，網上留言話「全片充滿了導演的個人風格，很有神秘感，感覺內容不連貫，他也解釋了，確實剪了很多，想放在下一環節」。所以惟有將焦點放喺薛凱琪身上，大讚現年40歲嘅佢扮學生妹毫無違和感，大讚佢保養得好！