楊冪劉詩詩結伴到寺廟拜神　再次粉碎不和傳聞

內地兩大花旦楊冪與劉詩詩，於2009年合作劇集《仙劍奇俠傳3》成為好友，有指因兩女年紀及飾演角色相近被外界比較，加上當年楊冪與劉愷威結婚時，伴娘只有唐嫣，未見劉詩詩蹤影，因而傳出二人姊妹情變質，更被內地網民形容為「塑料姐妹」。

繼4月劉詩詩被拍得到片場探楊冪班，被指「破冰」成功後，近日有網友拍到兩女相約出遊，野生捕獲，有圖有真相！楊冪同劉詩詩同樣着上休閒服裝、戴上cap帽，低調現身寺廟，兩個並肩而行，又一齊打坐，全程孖公仔，仲手拎住一袋二袋橙色膠袋，似係拜祭用品，獲網友大讚表現親民。雖然未有正面照，但係單從背影已見得兩女姊妹情深，唔少網民留言指：「女神友誼天長地久」、「別再說她們塑料了。」