涉足樂壇自嘲不務正業　七仙羽：好似偏離軌道咁！

風水師七仙羽今日（15日）出席美容活動，她透露最近忙為節目《七福星》做前期製作，錄製歌曲及拍MV，新歌更會請來P1X3L一齊合唱，對於P1X3L呻未能去叱咤記者會，她說：「佢哋要有多啲經歷先得，佢哋都冇歌，你煮飯都要有米。」至於七仙羽近期頻頻涉足樂壇，她坦言自己本身冇意在娛樂圈發展，覺得自己現在不務正業：「我正職係做師傅，依家好似偏離軌道咁，不過後來我發現自己其實都係務正業，我以前閉關修行，依家喺紅塵中修行，我做嘅節目帶到開心咁大家都係一種公德。」另外，七仙羽跟湯怡同場，她大讚湯怡靚女，自言有自知之明，本身不想站在她旁邊，因為落差太大，但就話覺得對方眼神有點憂鬱。