新屋旺財|陳煒做「煮婦」最愛同男友屋企做運動
20211115
東網電視
更多新聞短片
![](/hk/bkn/cnt/entertainment/20211115/photo/bkn-20211115190203250-1115_00862_001_01p.jpg?20211115211636)
藝人陳煒今日(15日)以代言人身份為健康產品拍攝廣告,大露香肩晒健康性感!適逢她今個星期日(21日)生日踏入48歲,大會席間送上生日蛋糕慶祝,講到生日願望,她表示跟每個女仔一樣希望Keep住健康、不要衰老、繼續年輕及青春:「所以今次代言都有賺,賺錢之餘又可以同大家分享健康資訊,而呢個廣告仲係簽新屋合約嘅一刻接到,搵到旺屋都好開心!」
打趣笑指其男友陳國強都是醫生,私下生活零舍健康?她冧爆話:「我一向注重健康,又係『煮婦』,油膩煎炸嘅嘢都少食,佢唔會太操心我呢方面,咁好食嘅嘢我都會畀佢食嘅,同時都有喺屋企做吓拉筋運動,但就少啲去戶外。(佢有讚你廚藝?)唔使講啦,哈哈!同我食清啲就得!」
陳煒透露接下由李家鼎及「三姐」蕭秀香主持的煮食節目《教煮爭霸》,會同譚俊彥(Shaun)一決高下,節目定8集、今個星期六(20日)首播,她大讚Shaun是位好對手:「冇番咁上下都上唔到去,佢主力煮西餐,我就中餐、東南亞菜式,大家唔同類型咁先有趣!(比賽會有壓力?)冇嘅,鼎爺同三姐會做評判,畀啲大廚評價吓先知自己功力。」續憶述比賽期間不停做實驗,嘗試搭配不同食材,煮到男友話過關才可以,有被考到?她直認有:「有啲食材估唔到可以夾埋一齊,咁我係唔食牛,煮咗都試唔到味。」