《永恆族》演反派︱安祖蓮娜祖莉靠3招　Keep住靚！

萬眾期待嘅超英電影《永恆族》（Eternals）終於上映，女神安祖蓮娜祖莉（Angelina Jolie）都有份參與，佢喺戲中飾演反派女武士Thena，現年46歲嘅佢仲係Keep得好好，依然樣靚身材正，着起金色裝甲，大晒玲瓏浮凸嘅身材，真係索到震！今次等我哋嚟大揭秘，原來安祖蓮娜靠三招絕技，保持住Fit爆身材！

首先安祖蓮娜會喺飲食着手，佢以低碳水化合物同埋高蛋白飲食為主，佢會將三餐分住食，以少量多產為原則，畀身體嘅脂肪持續燃燒，為身體提供能量之餘，仲可以Keep住瘦！第二，就係要吸收大量嘅水，佢每日都會飲3公升嘅水，飲多啲水除咗有助排毒，仲有助皮膚Keep住水嫩！第三，就係佢每日都會做瑜伽，做出「旋轉弓箭步」呢個動作，有助促進血液循環之外，亦可以舒緩背痛，最緊要係拉筋拉得多，身形都會變得靚啲呀！