囝囝第一次睇騷狂嗌爸爸　古巨基冧到陣：最珍貴！

歌手古巨基日前在寺院與香港中樂團一齊表演，他一口氣連唱3首歌，當日囝囝Kuson都有去捧場，仲係佢第一次睇爸爸唱歌，基仔在社交網分享囝囝在台下聽歌的趣緻樣，見他由工人姐姐抱住，當音樂響起，古太Lorraine在旁說：「爸爸Singing！」，當他一見到基仔出場，即手指指台上的基仔話：「爸爸！爸爸！」之後改由古太抱住佢，他聽到爸爸的歌聲，主動不停拍手，似乎好欣賞爸爸的美妙歌聲，又不停叫爸爸，Lorraine說：「爸爸唱完歌就嚟。」他即招手說：「爸爸Come。」非常可愛。

基仔寫道：「古晉匡人生第一次睇爸爸公開表演！！第一次嘅反應，最珍貴，喺屋企聽爸爸唱歌聽得多，但係今次佢一定很好奇點解爸爸會對住咁多人唱？Kuson聽聽吓仲自己主動拍手，睇到呢個畫面我真係冧到入心，媽媽話我唱完之後，Kuson一直叫爸爸Come叫到我落台。」真係冧死爸爸囉！