媽媽「叫鴨」後首現身　林穎彤：要時間消化

藝人林穎彤（Bella）身穿露背裙到將軍澳電視城出席《十月初五的月光》宣傳活動，是自媽媽被爆「叫鴨」後首次見人。台上她與前度伍富橋演出小劇場，期間被對方拉扯住，她即謂：「我係唔會翻啅你㗎！」

受訪時她坦言現時與媽媽心情OK：「當然要時間消化，但同媽咪心情OK。」她亦謂事件交由警方處理，正處理中，不方便講太多詳情，問到對方可還有再騷擾她們？她表示：「暫時冇，依家都放下心頭大石，可以努力宣傳套劇，今次係入行以嚟比較重嘅角色。」

講到劇中與前度伍富橋演情侶，她表示沒有尷尬：「因為之前都有一齊合作做嘢，反而熟啲仲好。（但分手後再演情侶？）我哋係好朋友嘅。」問到可會翻撻？她笑言：「正如我頭先台上所講，現實我哋係好同事。（冇機會？）可以繼續做好朋友，之前媽咪件事佢都有慰問我。」