樂壇模範情侶Camila Cabello與Shawn Mendes宣布分手

加拿大男歌手Shawn Mendes與古巴裔美國女歌手Camila Cabello昨日（17日）宣布分手，結束兩年情，令不少歌迷震撼。他們早於2015年合作歌曲《I Know What You Did Last Summer》，到2019年6月再次推出合作歌曲《Señorita》後，7月便開始拍拖，自此形影不離。防疫隔離期間，他們搬到邁阿密同居，曾透過視像一起表演。他們幾星期前還被拍到於海灘咀嘴，又以情侶檔慶祝萬聖節扮嘢，想不到這麼快便情變。

兩人於社交網站即時動態發出聲明表示：「大家好，我哋決定終止戀人關係，但我哋對另一方嘅作為人類嘅愛，一樣咁深厚。我哋開始時係最好朋友，亦會繼續做最好朋友。我哋好多謝你哋最初同嚟緊落去嘅支持。」