師徒合體　七仙羽晒郭奕芯索相博增加Followers

人氣堪輿學家七仙羽（七師傅）早前主持節目《七救星》大受歡迎，節目中佢拯救咗唔少藝人，其中不但為郭奕芯趕走「狐狸精」，仲收對方為徒賜名「八鮮乳」。點知呢日七師傅「有難」，就輪到徒弟郭奕芯出手「打救」！

事緣七師傅嘅社交網追蹤人數有9萬粉絲，未能突破10萬大關，七師傅就決定於社交網上載郭奕芯嘅性感福利圖，吸引更多宅男追蹤，佢更分享同郭奕芯嘅搞笑對話，正當七師傅煩惱如何增加粉絲人數時，郭奕芯主動請纓：「師傅，不如...等我除...以我所知，每次除完，人數必漲。」七師傅就表示：「南無阿彌陀佛，我佛慈悲。」相當搞笑，佢哋更預告2日後有更多嘅福利：「這兩天我和郭奕芯都好忙，鐵定11月20號除！」

另邊廂，郭奕芯則於其社交平台上載一段七師傅着住比堅尼圖案圍裙嘅片段，希望自己嘅粉絲可以「愛屋及烏」，同樣支持七師傅。