湯洛雯處女揸槍　寧被人打莫我打人

藝人陳展鵬與湯洛雯（靚湯）今日（18日）出席無綫新劇《隱門》（暫名）開鏡，2人今次首度合作，靚湯稱在劇中飾演警花：「我之前演過捕快，上次揸刀，今次揸槍。（多唔多動作場面？）未係咁多，我有開槍場面，要學吓個姿勢，因為我未試過，其他飾演警員嘅藝人有跳海戲，我就唔使，監製好錫我，過往最多都係淋雨戲，我係雨神。」

至於展鵬飾演保險調查員，但不乏動作戲，並預告會跟吳岱融對打「報復」：「我以前同佢拍過《乘勝狙擊》，畀佢打咗我十幾巴，眼鏡都飛甩，今次就調番轉，我會打番佢十幾拳，佢向來好入戲，可能到時會叫我打大力啲。」靚湯坦言寧願被打，也不想打人，因為打人壓力很大：「我上次畀人打，我叫對方真打唔好借位，一次過搞掂。」展鵬笑言要叫監製安排一場被打戲給她。