衛詩雅新片扮大肚婆　講明要請教周勵淇

藝人周勵淇（Niki）及衛詩雅（Michelle）今日（18日）現身英皇電影《紮職2》開鏡儀式，Michelle在新戲中跟張繼聰飾演夫妻，她笑言：「我同佢之前演過幾次情侶同夫妻，計埋今次已經係第4次，咩階段都經歷過晒，由初戀、熱戀、有小朋友到冇咗小朋友都演過，可能下次我哋要化老妝扮老夫老妻，我唔怕化老妝，好期待。」

至於Niki就跟黃德斌飾演夫妻，表面沒有殺傷力，但實際並非如此，她說：「我個角色唔使打，一聲令下就有人幫我做嘢，戲中都係關於道義同情義。」她指從未參與過這類電影，故十分期待：「我準備咗幾個月，好似小學生開學咁，今日係第一日開工。（有冇唔捨得小朋友？）冇，我都有同佢講我要去返工，唔知佢明唔明，我出門口佢都有喊，但要令佢慢慢適應，小朋友依家歲半，佢都要返學，所以都OK，我都需要出嚟工作，需要分開吓。」Michelle說戲中的她是有孕，直言可以請教Niki，又自認很喜歡小朋友，加上2人沒有同場對手戲，她提議當Niki開工時，自己可以幫手湊對方囝囝。