AK單飛曲快過MIRROR團歌破百萬　大晒滑水片贈興

人氣男團MIRROR成員輪住出Solo歌，其中成員Anson Kong（AK）於上周推出新歌《三個字》，MV上架短短7日觀看次數已經突破100萬，至今更累積逾125萬，另邊廂，MIRROR兩周前推出嘅團歌《All In One》才剛衝破百萬大關，而隊友柳應廷（Jer）同樣於兩周前上架嘅《人類群星閃耀時》 MV現時亦只得88萬觀看次數，相比之下，AK新歌成績更為突出。

為咗慶祝新歌反應理想，呢日AK就喺社交網上載一段昔日滑水時嘅蝦碌片段，見佢都未開始上水，就已經失手沉落大海，令佢聯想起樂隊Dear Jane歌曲《未開始已經結束》，而粉絲就借用其新歌《三個字》嘅歌詞，笑指：「唯獨這麼三個字：撈起我」。