傳離婚疑雲　張致恒冧掂雯雯熄怒火

藝人張致恒（Steven）尋日（18日）傳出同老婆雯雯感情觸礁，因見雯雯於社交網甫出:「每一段關係嘅結束，都係為咗有更好嘅將來」即引嚟離婚猜測。一直未有回應的Steven，今日（19日）透過經理人回覆東網。

其經理人指Steven依家身在內地開工，婚變只屬傳聞：「佢哋冇事，前幾日他太太心情不好而已，多謝關心及報道。Steven返咗國內工作，佢太太照顧小朋友有時壓力大。」問到Steven係咪要氹番雯雯？經理人續指：「Steven會處理，沒事的，謝謝。（Steven是否努力搵錢養家？）係呀，Steven好努力工作搵錢養家，唔好意思，佢家事我不方便講太多，佢哋現在沒事。」