麥大力勇闖鬼域新娘潭瀑布　複製步驚雲

無綫舉辦的「衝上雲霄大選」冠軍的麥大力（Derek）靚仔高大有型，仲要好有米，加上一副爆肌身形，真係令唔少宅女流晒口水，可惜已經被「腰果眼女神」簡淑兒私有化咗，惟有睇吓佢啲爆肌相止吓渴啦！

麥大力去咗有「香港四大鬼域之首」之稱嘅新娘潭瀑布，佢除咗衫大晒爆肌身形，任由急速水流照頭淋，成個畫面係咪好似曾相識呢？咪就係好似郭富城（城城）於《風雲：雄霸天下》入面飾演嘅步驚雲囉！不過講氣勢呢，咁梗係城城勁啲啦！

新娘潭位於新界大埔區的船灣郊野公園，景點包括「新娘潭瀑布」及「新娘潭」，水清見底，環境優美，是著名行山路徑之一。新娘潭之所以叫新娘潭，據說是因為以前有四位轎夫抬住一位從烏蛟騰嫁到鹿頸的新娘，途經此地，由於地上石岩濕滑導致其中一位轎夫跣倒，新娘和花轎雙雙墮在瀑布之下的水潭溺斃，因而得名「新娘潭」。自1982年起，至今已經有超過10多宗死亡事件在新娘潭發生，至少20人在此喪命，因而被封為「香港四大鬼域之首」，麥大力夠膽去闖鬼域，果然膽色過人！