台慶有洋葱！何沛珈淚爆選港姐為圓亡母心願

《萬千星輝賀台慶》今晚（19日）舉行，何沛珈、孟希璘、林正峰等於「新人演員追夢」的環節中，大派洋葱，其中何沛珈更是「超催淚」，她邊哭邊解釋去年選港姐入圍「最後五強」談感言時嚎哭的原因，原來參選港姐是她亡母生前的願望：「喺我參選前媽媽有病，但佢叫我唔好放棄，對生命、追夢亦都係。」

何沛珈指自己很幸運，之後有機會拍劇，但可惜的是，拍劇第一日，就是她媽媽離世的一天，她拿着造型劇照趕去醫院，給母親臨終時看，並跟她說會繼續追夢，着她放心。何沛珈邊喊邊說：「我同佢講，叫佢唔使擔心，我會好好努力追尋夢想，而當我想放棄時，就會聽番媽媽嘅說話。」語畢，現場播放何母的聲帶，內容是何母大讚女兒好靚，而當播畢聲帶，何沛珈喊住反問天上的媽媽：「媽媽，我今日靚唔靚呀？」由於內容十分感人，台下不少藝人無不動容，就連「鐵漢」如崔建邦都忍不住抹眼淚。