又再被女圍？15歲魔童孖金髮美女出遊勁搶眼

男神張智霖（Chilam）同老婆袁詠儀（靚靚）嘅15歲囝囝張慕童（魔童）高大有型，仲擁有超強電眼，被網民封為「最期待星二代」。近日佢同友人去到主題樂園遊玩，佢喺社交網大晒靚相，見戴上頭飾、手套嘅佢同一班外籍友人打成一片，一行人先到城堡打卡，再去商店街閒逛，其中佢同一位金髮美女更身貼身合照，即有唔少網民猜測係咪其女朋友︳仲大讚2人合襯。另有網友指魔童嘅混血兒長相，同外籍友人企埋一齊完全零違和，直指佢似外國人，而事實上魔童亦遺傳咗爸爸Chilam家族嘅德國血統，係名副其實嘅中德混血兒。