許廷鏗做叔叔！前8模A.Lin晒巨肚宣布懷孕

曾出過寫真「8模兵團」之一嘅模特兒A.Lin（裴殷），去年下嫁許廷鏗哥哥許永鏗，升呢做許廷鏗大嫂，今年初許廷鏗於頒獎禮橫掃多個獎項，A.Lin都有出post祝賀。

A.Lin結婚1年，原來已經火速懷孕，尋日（20號）於社交網上載大肚相報喜，見佢着住露肩絲綢白裙，輕撫住巨肚，面部同四肢零水腫，依舊咁索，佢以英文留言：「體驗我身體的每一點變化，從S/M碼到XL碼，但這一切都是值得的，我們迫不及待地想見到你的小傢伙...」見佢個肚已經籮咁大，相信好快就迎接新生命。