余香凝記憶力下降 產後首拍劇勁緊張

2021年11月21日 15:16
東網電視
更多新聞短片
藝人余香凝(Jennifer)、黃定謙、林千渟(前名:林婷)、陸駿光及方志駒,今日(21日)為電台新劇進行拜神儀式。其中Jennifer是繼產後首次拍劇,更與黃定謙有感情線,受訪時她笑言劇中不做索媽,除低婚戒重回女兒身:「(戒指)擺咗喺銀包,放工先戴番!今次角色係單身,有少少感情戲,似歡喜怨家成日嗌交,親熱戲都唔會太誇張。」黃定謙接笑說:「得5集好難太深入,只係互有好感,等開第2季!」
對於產後復出拍劇,Jennifer自嘲生完B腦容量急劇下降,故新角色可以幫自己Warm up,訓練記性:「呢個專業角色成日要講好多術語,生完記性真係差咗好多!講緊背長多2、3句對白,都要用好多力去背,加上好耐冇拍嘢,第一個Take埋位真係好緊張!(囡囡半歲大出番嚟拍劇?)一冇嘢做就成日睇住佢啲相同睇Cam,哈哈!」續搞笑話有將角色學以致用:「覺得畀人操控價格都可以喺番呢個機構舉報,做咗阿媽成日要買奶粉,依家留意多咗啲價錢。」
而黃定謙笑說真人跟角色一樣為人隨和,好少投訴,記者打趣笑指他劇中名字跟韓國型男宋仲基撞名,笑問背負住「宋仲基」演戲可有壓力?Jennifer搶答大讚對方同樣有型,點知黃定謙自爆得悉角色名時,內心有想改名念頭,但幸好劇本是偏向輕喜劇,雖然是飾演專業查證人員,都不會有太大反差。