Tyson Yoshi日日射女友　被Fans圍攻代報仇

人氣急升歌手TYSON YOSHI再推出新歌《THAT GUY》MV，20號晚於迷你電影院舉行首播會，會上以導演look造型出現，望擺脫歌手和演員的身份。

Tyson表示為向兒時最愛的動畫致敬，今次7位數字製作費令他險破產，幸好拍攝圑隊由《 TO MY QUEEN》便一路合作至今，眾好友聽完他需要「援手」，即二話不說落手落腳幫助，才免破產之災，不過他說：「人情卡就真係碌到破產，非常感激所有工作人員嘅幫忙，MV由籌備到面世經歷接近4個月。」

被問到以女朋友為靈感，Tyson就直言：「其實仲寫好咗3首都有關女朋友，不過暫未諗到幾時派，但下首就唔講女朋友啦，仲講明12月再有新歌。」在Fans Meeting非常成功，歌迷除逼爆場地外，更有Fans帶同玩具槍反射Tyson，而之前他表示日日用玩具槍射女友，今次其歌迷可謂幫其女友「以其人之道還治其人之身」，代她向男友「報仇」。