否認為楊明爆喊！莊思明計劃結婚生BB

藝人莊思明今晚（22日）出席無綫台慶劇《十月初五的月光》首播活動，對於飾演童年版文初的媽媽，她透露非首次演媽媽這類角色，今次戲中的小演員只有幾歲大，笑言絕對生得對方出。問到現實中可想做媽媽？她說：「盡快，有時去朋友屋企見到BB得意，都想有自己嘅BB。（有冇計劃結婚？）都係朝住呢個方向，希望快啲有好消息，其實家長唔介意我哋生完小朋友先結婚，但我擔心生完之後身形會走樣，到結婚時就唔夠靚。」

提到男友楊明官司纏身，思明坦言也想待官司完結才談終身大事，對於近日不時於社交網抒發心情，她說：「有時喺網上搵到啲金句，想分享啲正能量畀大家。（有壓力？）都係，盡量用樂觀心情面對。」談到早前楊明案件宣判結果後，她忍不住於庭上爆喊，她即澄清說：「我唔係爆喊，反而男友嘅朋友最激動，呢啲場合，我盡量都唔會表露自己嘅心情，返到屋企我都係平靜，男友都表現堅強。（對判決失望？）唔評論，對佢都唔公平，但會喺佢身邊支持。」她更爆料指楊明於大閘蟹季節喪食，結果肥了近20磅，故現時需要積極減磅。