出新歌博頒獎禮入場券 P1X3L志在參與

2021年11月22日 23:06
東網電視
更多新聞短片
環球組合P1X3L今晚(22日)舉行處男Fans Meeting暨新歌《Just Lean On Me》MV首播會,現場招待約百多名Fans,以尖叫聲歡迎偶像登場,場面非常墟冚!
席間他們除了首次跳唱新歌之外,還跟Fans近距離玩遊戲,壓軸環節更進行大抽獎,獎品正是3子的貼身飾物,吳啟洋(Phoebus)、歐鎮灝(George)及葉振弘(Marco)分別忍痛送出頸鏈、戒指及耳環,笑問會否「加碼」,即場脫去身上衣服送出?Marco抵死笑指:「我唔驚除呀!只係覺得喺呢個場合除衫有啲怪,哈哈!」
Phoebus及George聞言一致大讚對方身材是隊中最勁,更呼籲大家要密切留意Marco於ViuTV新劇《i.SWIM》中的「亮眼」演出,而Phoebus及George亦同樣有參演,後者自嘲絕對符合劇情的中學生身材:「唔需要太期待,我唔似張繼聰咁大隻。」前者則自評屬於中規中矩:「我係食極唔肥,呢段時間都諗緊辦法增肥練肌,仲要拍多大約兩個星期,主要都係落水戲,所以好凍!」
講到相隔約10個月發布第二首新歌,3子表示相當興奮,新歌推出後收到好多支持及鼓勵,問到是否拎到頒獎禮入場券?他們直言若工作、時間許可,都希望出席所有頒獎禮,不過都要由公司安排,提到他們今年有份角逐新人及組合獎時,3子卻坦言志在參與:「想入去坐,睇頒獎禮,覺得攞獎機會未必大,始終年尾先出第2首歌,時間有啲輸蝕,我哋有大志!期望下年攞歌曲獎同舉行音樂會!」